Playtop Safety Surfacing
E noho titikaha ana a Playtop ki ngā tukanga papa hora haumaru e motuhake ai tā rātou tūranga ki te kōtihitihi māioio o tēnei kaupapa. Kua herea mai a Nike hei hoa kaipakihi i te ao whānui, mā tēnei piringa e whakakōtahi ai a Playtop ki ngā putanga maha a Nike Grind. Tērā hoki ngā āpitihanga, he hū hākinakina tukurua me ngā hū tukuatu a te kamupene hei hoko. Waiho ko ngā huatau poka noa ki rāhaki, ānei te kōrero; kua roa nei a Playtop e whanake ana, kua whakamātauria ana te pūnaha matua ki ngā raihana e 40 neke atu i te ao katoa. Mā te whakatītina i a rātou pūnaha e mārakerake ai te kite ngā rautaki hoko atu, ngā putanga me ngā hua maha, ka mutu te tukanga tāuta, ā kāre i kō atu i tēnei pūnaha. Ko te āhua whakaniko, he kounga, he angitū te otinga. Kua whakaō mai ngā hoahoa rerehua o te ahurea, me ngā ariā whai māramatanga pūmau hei rākeitanga ki te papa hora e rarata ai te marea.
Papatākaro
He hono-kore ngā rauemi, ā, kua hāngaia i ngā kano inarapa me te rona UV whai kaha e pai ai te haere o ngā mahi papa hora haumaru a Playtop.
He aha te ngako o ngā mahi papa hora haumaru mō nga Papatākaro a Playtop?
He rerekē tā mātou pūnaha o Playtop ki ēra atu o ngā pākihi papa hora haumaru ki Aotearoa. Hāunga noa iho tā mātou whai hononga raihana ki tāwahi mō te here ki a Nike Grind mō ngā hū hākinakina tukurua me ngā wāhanga tukuatu. Ēngari hoki, ko ngā kōwhiringa tae he EPDM papai te hanga, kua whakataha te kirihou, kua whakamahia kē he inarapa hei rauemi whakauru.
He pūnaha whakaemiemi, ka tāuta tōtika ki te wāhi kia mākūkū tonu te āhua e pai ai te riringi. Tuatahi ake, ko te tūāpapa hiko/miti (shock absorbing base) hei paparanga ki raro kātahi, nā ko te paparanga tuarua ki runga. Me he mākū, ka kaha te piritahi a ngā pūnaha e rua nei - kua whakarite kia taurite te nui o te hiko/miti, mō te tūpono e kore ai tētahi e parahako, e tāoro haere.
Ko te pūnaha papa hora a Playtop he hohonu ake te whakauru ki ēra atu o ngā pūnaha papa hora. Mai i te 20mm ki te 40mm te hiko, hēoi mā te tukanga kiato te whai i tua atu i te tukanga “tupana” (bounce).
Me he paku noa te tupana, ka paku hoki te nekeneke haere. Ki te pēnei ka whāiti iho te tūpono e tāoro ai te hanganga, ahakoa te roa o ngā tau e whakamahi ana. Nā kōnei e tūtuki tonu ngā ture a Critical Fall Height nō muri atu i te paunga o te wārati. He mea nui whakaharahara tēnei mō te haumarutanga o te papa.
He mea hanga te tūāpapa i ngā wīra o te taraka. Ka tīkina atu te inarapa mō te ranunga mākū hei wherawhera te paparanga tuatahi. Ka pīkaungia ngā wīra pau katoa te kaha i a Tyrewise ki kōnei ki Aotearoa. Kia wawe te tūtuki te ture hekenga teitei matua (critical fall height) e hiahia ana mō ngā rauemi/putanga, ka mātua whirinaki atu ki ngā kamupene he nui ngā whēako. E mārama kehokeho ana rātou ki ngā tautuhi a Playtop, e mea ana te kōrero nō ngā tau 1977 rātou e muramura ana.
Ko tētahi pāinga anō o te ranunga mākū, ko te whakaea te āhua whakaniko ki te aroaro (surface). Ka tukuna hoki kia whai wāhi atu ngā iwi whenua te tō mai ā rātou hoahoa me ngā kōrero tuku iho hei hāpai ake.
Ngā whakatakanga
Hei whakatauira ake i te kōunga me te wāriu o te āhua whakaniko (aesthetic value) e āhei ana te whakaemi ki te papa hora ko Tongariro Domain ki Taupō. Ko te awenga kei muri ake i tēnei hoahoa, he mea tīkina atu i ngā kōrero a Hawira Karaitiana mō ngā tīkanga a Ngāti Tūwharetoa. Ka waiho mā te rerehua o ngā mahi ngā kōrero e whakairoiro.
Hei tauira pai anō, kia aro atu ki ‘Te Āhuru Mōwai o Tutaeporoporo ki Marton. Nā Te Rūnanga o Ngā Wairiki Ngāti Apa te īngoa i tapa. Nā Boffa Miskell (he kaihoahoa whenua) te papatākaro i hoahoa.
I noho tahi rātou a Te Rūnanga o Ngā Wairiki Ngāti Apa ki a Boffa Miskell kia raranga tahi ai ngā kōrero pūrakau mō Tutaeporoporo, te kaitiaki taniwha o Rangitīkei. Kua miramira tāna āhua ki te aroaro o te papatākaro me te papa hora.
Tongariro Domain - view project
Ngā kōwhiringa tae
He kohinga tae a mātou hei kōwhiringa mō ngā mahi papa hora haumaru. Waihoki, he kōwhiringa konanu (blend) hei taunaki
Ngā kōwhiringa tae konanu
Ngā kōwhiringa tae a Nike Grind
Kauwhata hekenga teitei matua
Ka hora a Playtop i ngā papa neke atu i te 140mm te mātatoru – he hōhonu ake i ngā papa o ngā kamupene anō. Mā te hōhonu me te kiato o tēnei rauemi ka haumarutia te taka, ehara ko te peke. Ko te tikanga o tēnei, ahakoa te nui o ngā taumaha kei runga, ka kore nei e pakaru mō te wā roa. Mehemea kei te whakapau koe i te putea nui mō te rauemi nui rawa, me whakatau i roto i te hinengaro kei te hāngai tēnei papa ki ngā ture haumaru ki tua atu o te paunga o te oatitanga (warranty), ā, ka ōrite te pakari o tēnei papa i te rāngi i horahia ai nā te rangahau ki te momo inarapa, nā te momo rona whai kaha, nā te rautaki whakatakoto me to mōhio kua 40 tau a Playtop e whakatinana ana i ēnei momo rauemi.
Nā te mea ko te haumaru te tino kaupapa o to hoko i te papa haumaru, ka oati a Playtop ka tutukihia tēnā take mō anamata.
Ka whakamahi koe i tēnei Kauwhata Hekenga Teitei me te mōhiotanga i ngā kaihoko rauemi, ka kite koe i te hōhonu o te papa ka horahia.
He kōrero anō?
Whakapā mai me he hiahia nōu ki te whānui o ngā kōrero whakamāhuki mō ngā mahi papa hora haumaru o te kaupapa papatākaro a Playtop, me ngā kaupapa here a Nike Grind rānei. E manawanui ana a Andy rāua ko Chelsea ki tēnei kaupapa, ku wātea rāua te āwhina ki tō whakaputanga e whai ake nei, tēna tukuna mai he karere.
We provide safe and sustainable safety surfacing solutions for playgrounds, recreational areas, sports facilities and pathways.
Contact Us
Email: andy@playtop.co.nz
Phone: 0800 752 986
Products
Nike Grind
Playgrounds
Walkways & Paths
Sports Surfacing
Splash Parks
3D Rubber Animals
Playtop Spheres
Playtop Street
